Эй дил, матоъи ҷон ба лаби лаъли ёр бахш,
Эй дил, матоъи ҷон ба лаби лаъли ёр бахш,
Нақди хирад ба ҷоми майи хушгувор бахш.
Овард бод бӯи баҳор аз чаман, чу гул
Авроқи илму фазл ба боди баҳор бахш.
Васфи ҷамоли ишқ якиву ягонагист,
Ҳошо, ки ҷо кунад ба дил бо ҳазор бахш.
Ман узри ҷурми ишқ намехоҳам, эй адиб,
Ҷурми маро ба соқии мушкинузор бахш.
Сӯзон зи хомии худам, эй ишқи пухтакор,
Ин хомро зи оташи худ як шарор бахш.
Бинмой рух, ки мунтазири ҷон супурданам,
Ҷони маро халос аз ин интизор бахш.
Ҷомӣ на марди кор, на ишқ аст, кор кун,
Бас марди корро ба худованди кор бахш.